mujh sy nikal kar meray kisi ainay mein aa (Ammar Iqbal)

مجھ سے نکل کے میرے کسی آئینے میں آ

اے ربِ لازوال کبھی رابطے میں آ

تجھ سے گزر کے اپنی خبر لینی ہے مجھے

دیوارِ جسم و جان مرے راستے میں آ

یکبارگی جو پھر گئیں نظریں تو پھر گئیں

اب چاہے خواب میں یا کسی رتجگے میں آ

ہر سانس گنگناؤں بناؤں میں تیرا گیت

مکھڑے میں بیٹھ یار مرے انترے میں آ

سب توڑ تاڑ تجھ سے کڑی جوڑ لوں گا میں

مجھ تک تو ایک بار کسی سلسلے میں آ

حل ہو گیا نا مجھ میں ہمیشہ کے واسطے

کس نے کہا تھا تجھ سے کہ مجھ مسئلے میں آ

ورنہ اتار دیں گے سہولت سے سب تجھے

سینے سے لگنے والے کسی کے گلے میں آ

اچھا ہے تھوڑی دیر کو منہ خود سے پھیر لے

چہرے کے ایک رنگ سے جب دوسرے میں آ

رکھیں تجھے ہتھیلی پہ کب تک سنبھال کر

چل اشکِ نامراد نکل آبلے میں آ

پھر دیکھتا ہوں کیسے نکلتے ہیں تیرے بل

عمار اس بدن سے نکل کر کُھلے میں آ

عمار اقبال

mujh se nikal ke mere kisi aaiine mein aa
ae Rab la zawaal kabhi raabtey mein aa


tujh se guzar ke apni khabar leni hai mujhe
diwarِ jism o jaan marey rastay mein aa

یکبارگی jo phir gayeen nazrain to phir gayeen
ab chahay khawab mein ya kisi rat-jage mein aa

har saans gungunao bunun mein tera geet
mukhre mein baith yaar marey انترے mein aa

sab toar Taar tujh se kari jor lon ga mein
mujh tak to aik baar kisi silsilay mein aa

hal ho gaya na mujh mein hamesha ke wastay
kis ne kaha tha tujh se ke mujh maslay mein aa

warna utaar den ge sahoolat se sab tujhe
seenay se lagnay walay kisi ke gilaay mein aa

acha hai thori der ko mun khud se phair le
chehray ke aik rang se jab dosray mein aa

rakhen tujhe hatheli pay kab tak sambhaal kar
chal asshk namuraad nikal aablay mein aa

phir daikhta hon kaisay nikaltay hain tairay bil
Amaar is badan se nikal kar kُhle mein aa

Amaar Iqbal