barray tahammul se rafta rafta nikalna hai | bacha hai jo tujh mein mera hissa nikalna hai |Umair Najmi

barray tahammul se rafta rafta nikalna hai


bacha hai jo tujh mein mera hissa nikalna hai


yeh rooh barson se dafan hai tum madad karo ge

badan ke malbay se is ko zindah nikalna hai


nazar mein rakhna kahin koi gham shanaas gahak

mujhe sukhan bechna hai kharcha nikalna hai


nikaal laya hon aik pinjare se ik parindah

ab is parinday ke dil se pinjra nikalna hai


yeh tees barson se kuch baras peechay chal rahi hai

mujhe ghari ka kharab purzah nikalna hai



khayaal hai khandan ko ittila day dun

jo kat gaya is shajar ka shajrah nikalna hai


mein aik kirdaar se bara tang hon qalam car

mujhe kahani mein daal gussa nikalna hai

umair najmi

بڑے تحمل سے رفتہ رفتہ نکالنا ہے

بچا ہے جو تجھ میں میرا حصہ نکالنا ہے

یہ روح برسوں سے دفن ہے تم مدد کرو گے

بدن کے ملبے سے اس کو زندہ نکالنا ہے

نظر میں رکھنا کہیں کوئی غم شناس گاہک

مجھے سخن بیچنا ہے خرچہ نکالنا ہے

نکال لایا ہوں ایک پنجرے سے اک پرندہ

اب اس پرندے کے دل سے پنجرہ نکالنا ہے

یہ تیس برسوں سے کچھ برس پیچھے چل رہی ہے

مجھے گھڑی کا خراب پرزہ نکالنا ہے

خیال ہے خاندان کو اطلاع دے دوں

جو کٹ گیا اس شجر کا شجرہ نکالنا ہے

میں ایک کردار سے بڑا تنگ ہوں قلم کار

مجھے کہانی میں ڈال غصہ نکالنا ہے

UMAIR NAJMI