Meri bhnwon ke ain darmiyan ban gaya| Umair najmi |Urdu Shairi

UMAIR NAJMI

مری بھنووں کے عین درمیان بن گیا

جبیں پہ انتظار کا نشان بن گیا

سنا ہوا تھا ہجر مستقل تناؤ ہے

وہی ہوا مرا بدن کمان بن گیا

مہیب چپ میں آہٹوں کا واہمہ ہوا

میں سر سے پاؤں تک تمام کان بن گیا

ہوا سے روشنی سے رابطہ نہیں رہا

جدھر تھیں کھڑکیاں ادھر مکان بن گیا

شروع دن سے گھر میں سن رہا تھا اس لئے

سکوت میری مادری زبان بن گیا

اور ایک دن کھنچی ہوئی لکیر مٹ گئی

گماں یقیں بنا یقیں گمان بن گیا

کئی خفیف غم ملے ملال بن گئے

ذرا ذرا سی کترنوں سے تھان بن گیا

مرے بڑوں نے عادتاً چنا تھا ایک دشت

وہ بس گیا رحیمؔ یار خان بن گیا

umair najmi


meri بھنووں ke ain darmiyan ban gaya

jabeen pay intzaar ka nishaan ban gaya


suna sun-hwa tha hijar mustaqil tanao hai

wohi sun-hwa mra badan kamaan ban gaya


Moheeb chup mein ahatoon ka wahima sun-hwa

mein sir se paon tak tamam kaan ban gaya


sun-hwa se roshni se rabita nahi raha

jidhar theen khirkiyan idhar makaan ban gaya


shuru din se ghar mein sun raha tha is liye

sukut meri maadri zabaan ban gaya


aur aik din khinchi hui lakeer mit gayi

guma yaqeen bana yaqeen gumaan ban gaya


kayi khafeef gham miley malaal ban gaye

zara zara si کترنوں se thaan ban gaya


marey barron ne aadtan chuna tha aik dasht

woh bas gaya رحیمؔ yaar Khan ban gaya