Ashk apna ki tumhara nahin dekha jaata | Mohsin Naqvi | Shairi Urdu

اشک اپنا کہ تمہارا نہیں دیکھا جاتا

ابر کی زد میں ستارا نہیں دیکھا جاتا

اپنی شہ رگ کا لہو تن میں رواں ہے جب تک

زیر خنجر کوئی پیارا نہیں دیکھا جاتا

موج در موج الجھنے کی ہوس بے معنی

ڈوبتا ہو تو سہارا نہیں دیکھا جاتا

تیرے چہرے کی کشش تھی کہ پلٹ کر دیکھا

ورنہ سورج تو دوبارہ نہیں دیکھا جاتا

آگ کی ضد پہ نہ جا پھر سے بھڑک سکتی ہے

راکھ کی تہہ میں شرارہ نہیں دیکھا جاتا

زخم آنکھوں کے بھی سہتے تھے کبھی دل والے

اب تو ابرو کا اشارا نہیں دیکھا جاتا

کیا قیامت ہے کہ دل جس کا نگر ہے محسنؔ

دل پہ اس کا بھی اجارہ نہیں دیکھا جاتا

محسن نقوی

ashk apnā ki tumhārā nahīñ dekhā jaatā

abr ki zad men sitara nahin dekha jaata

apnī shah-e-rag kā lahū tan meñ ravāñ hai jab tak

zer-e-ḳhanjar koī pyārā nahīñ dekhā jaatā

mauj-dar-mauj ulajhne kī havas be-ma.anī

Dūbtā ho to sahārā nahīñ dekhā jaatā

tere chehre kī kashish thī ki palaT kar dekhā

varna sūraj to dobāra nahīñ dekhā jaatā

aag kī zid pe na jā phir se bhaḌak saktī hai

raakh kī tah meñ sharāra nahīñ dekhā jaatā

zaḳhm āñkhoñ ke bhī sahte the kabhī dil vaale

ab to abrū kā ishārā nahīñ dekhā jaatā

kyā qayāmat hai ki dil jis kā nagar hai 'mohsin'

dil pe us kā bhī ijāra nahīñ dekhā jaatā

 Ahmed Faraz Poetry - Ahsaan Danish Poetry - Akhtar Abdul Razzaq Poetry- Ali Irtiza Poetry- Ali Zaryoun Poetry - Amaar Iqbal Poetry - Amin Chughtai Poetry - Amir Ameer Poetry- AMJAD ISLAM AMJAD1 Poetry - ATIBAF ABRAK Poetry- Azhar Adeeb  Poetry- Azhar Nawaz Poetry- Faiz Ahmad Faiz Poetry- Ibn E Insha Poetry - Imam Bakhsh Nasih Poetry - Imdad Imam Asar Poetry- Khalil Al-Rehman Poetry - Aazmi Poetry - Khalil Ur Rehman Qammar Poetry - Majrooh Sultan Poori Poetry - Mirza Ghalib Poetry - Mohsin Naqvi Poetry - Qamar Poetry - Jalalwi Poetry - Qateel Shafai Poetry -.Rehman Faris Poetry - Tehzeeb Hafi Poetry .