idher udhar kahin koi nishaa to hoga hi

 اِدھر اُدھر کہیں کوئی نشاں تو ہوگا ہی

یہ رازِ بوسۂ لب ہے، عیاں تو ہوگا ہی

بروزِ حشر مِلے گا ضرور صبر کا پھل

یہاں تُو ہو نہ ہو میرا ، وہاں تو ہوگا ہی

مَیں کُڑھتا رہتا ہوں یہ سوچ کر کہ تیرے پاس

فُلاں بھی بیٹھا ہو شاید ، فُلاں تو ہوگا ہی

تمام شہر جو دھندلا گیا تو حیرت کیوں؟

دِلوں میں آگ لگی ہے ، دھواں تو ہوگا ہی

یہ بات نفع پرستوں کو کون سمجھائے؟

کہ کاروبارِ جنُوں میں زیاں تو ہو گا ہی

یہ بات مدرسۂ دل میں کھینچ لائی مجھے

کہ درس ہو کہ نہ ہو ، امتحاں تو ہو گا ہی

مگر وہ پھول کے مانند ہلکی پُھلکی ہے

سو اُس پہ عشق کا پتھر گراں تو ہو گا ہی

غزل کے روپ میں چمکے کہ آنکھ سے چھلکے

یہ اندرونے کا دکھ ہے، بیاں تو ہوگا ہی

بڑی اُمیدیں لگا بیٹھے تھے سو اب فارس !

ملالِ بے رخئ دوستاں تو ہو گا ہی

رحمان فارس

idher udhar kahin koi nishaa to hoga hi
yeh raaz bosa lab hai, ayaan to hoga hi
burrows hashar miley ga zaroor sabr ka phal
yahan too ho nah ho mera, wahan to hoga hi
mein kُrhhta rehta hon yeh soch kar ke tairay paas
falan bhi betha ho shayad, falan to hoga hi
tamam shehar jo dhundlaa gaya to herat kyun ?
dilon mein aag lagi hai, dhuwan to hoga hi
yeh baat naffa paraston ko kon samjhaye ?
ke karobarِ junoo mein zayan to ho ga hi
yeh baat madrassa dil mein khech layi mujhe
ke dars ho ke nah ho, imteha to ho ga hi
magar woh phool ke manind halki phulki hai
so uss pay ishhq ka pathar giran to ho ga hi
ghazal ke roop mein chamkay ke aankh se chilkay
yeh اندرونے ka dukh hai, bayan to hoga hi
barri umeedein laga baithy thay so ab faris !
malaal be رخئ doastaan to ho ga hi
Rehman faris