khail dono ka chalay teen ka dana nah parre

UMAIR NAJMI

کھیل دونوں کا چلے تین کا دانہ نہ پڑے

سیڑھیاں آتی رہیں سانپ کا خانہ نہ پڑے

دیکھ معمار پرندے بھی رہیں گھر بھی بنے

نقشہ ایسا ہو کوئی پیڑ گرانا نہ پڑے

میرے ہونٹوں پہ کسی لمس کی خواہش ہے شدید

ایسا کچھ کر مجھے سگریٹ کو جلانا نہ پڑے

اس تعلق سے نکلنے کا کوئی راستہ دے

اس پہاڑی پہ بھی بارود لگانا نہ پڑے

نم کی ترسیل سے آنکھوں کی حرارت کم ہو

سرد خانوں میں کوئی خواب پرانا نہ پڑے

ربط کی خیر ہے بس تیری انا بچ جائے

اس طرح جا کہ تجھے لوٹ کے آنا نہ پڑے

ہجر ایسا ہو کہ چہرے پہ نظر آ جائے

زخم ایسا ہو کہ دکھ جائے دکھانا نہ پڑے

khail dono ka chalay teen ka dana nah parre


seedhiyan aati rahen saanp ka khanah nah parre


dekh maimaar parinday bhi rahen ghar bhi banay

naqsha aisa ho koi pairr girana nah parre


mere honton pay kisi lams ki khwahish hai shadeed

aisa kuch kar mujhe cigrette ko jalana nah parre


is talluq se niklny ka koi rasta day

is pahari pay bhi barood lagana nah parre


num ki tarseel se aankhon ki hararat kam ho

sard khaanoon mein koi khawab purana nah parre


rabt ki kher hai bas teri anaa bach jaye

is terhan ja ke tujhe lout ke aana nah parre


hijar aisa ho ke chehray pay nazar aa jaye

zakham aisa ho ke dukh jaye dikhnana nah pary