kahani khatam hogi? ya tamasha honay wala hai ?| Rehman Faris

kahani khatam hogi? ya tamasha honay wala hai ?
kisay maloom hai faris! yahan kya honay wala hai
parinday, chyontyan aur log hijrat karte jatay hain
hamaray shehar mein kya hashar barpaa honay wala hai ?
zakheera karlo aansoo apni aankhon ke katoron mein
yahan ab pani mehanga, khoon sasta honay wala hai
to kya hum log phir se dhoka Nami teer khayen ge ?
to kya zakham nedamat aur gehra honay wala hai ?
traazo sajh chkuey hain aur boli lagnay wali hai !
to kya phir se mِre khowaboon ka soda honay wala hai ?
to kya ab fakhtsain aur hiran pyase hi mar jayen ?
to kya ab jheel par saanpon ka qabza honay wala hai ?
kabhi tashweesh kehti hai andhera ab nah jaye ga
kabhi Umeed kehti hai Ujala honay wala hai
udhar tay hai ke mrgِ nagehani laazmi thahri
idher zid hai : nahi bemaar acha honay wala hai
wohi karِ baghaawat jo ke seenon mein hai posheeda
abhi tak ho nahi paaya lehaza honay wala hai
riyasat ki nahi yeh aap ki apni hi mayyat hai
abhi kuch der to bathain, janaza honay wala hai
jisay tum ne hamesha ringte dekha, miyan faris !
woh ab umchee fizaon ka parindah honay wala hai
Rehman faris

کہانی ختم ہوگی؟ یا تماشا ہونے والا ہے؟

کسے معلُوم ہے فارس ! یہاں کیا ہونے والا ہے

پرندے، چیونٹیاں اور لوگ ہجرت کرتے جاتے ہیں

ہمارے شہر میں کیا حشر برپا ہونے والا ہے؟

ذخیرہ کرلو آنسُو اپنی آنکھوں کے کٹوروں میں

یہاں اب پانی مہنگا، خُون سستا ہونے والا ہے

تو کیا ہم لوگ پھر سے دھوکا نامی تیر کھائیں گے؟

تو کیا زخمِ ندامت اور گہرا ہونے والا ہے؟

ترازُو سج چُکے ہیں اور بولی لگنے والی ہے !

تو کیا پھر سے مِرے خوابوں کا سودا ہونے والا ہے؟

تو کیا اب فاختائیں اور ہرن پیاسے ہی مر جائیں؟

تو کیا اب جھیل پر سانپوں کا قبضہ ہونے والا ہے؟

کبھی تشویش کہتی ہے اندھیرا اب نہ جائے گا

کبھی اُمّید کہتی ہے اُجالا ہونے والا ہے

اُدھر طَے ہے کہ مرگِ ناگہانی لازمی ٹھہری

اِدھر ضد ہے: نہیں بیمار اچھا ہونے والا ہے

وہی کارِ بغاوت جو کہ سینوں میں ہے پوشیدہ

ابھی تک ہو نہیں پایا لہٰذا ہونے والا ہے

ریاست کی نہیں یہ آپ کی اپنی ہی میّت ہے

ابھی کچھ دیر تو بیٹھیں، جنازہ ہونے والا ہے

جسے تُم نے ہمیشہ رینگتے دیکھا، میاں فارس!

وہ اب اُونچی فضاؤں کا پرندہ ہونے والا ہے

رحمان فارس